अमेरिकामा ३० दिनभन्दा बढी समय बसेका विदेशी नागरिकहरूले त्यहाँको दर्ता ऐन ९एलियन० अन्तर्गत दर्ता नगरेको खण्डमा उनीहरूलाई जेल सजाय हुन सक्ने छ । आज विदेशी दर्ता ऐन अन्तर्गत दर्ता गर्ने अन्तिम मिति रहेको बीबीसीले उल्लेख गरेको छ ।
संयुक्त राज्य अमेरिकामा ३० दिनभन्दा बढी समयदेखि बसोबास गर्ने सबै विदेशी नागरिकहरूले सङ्घीय सरकारमा दर्ता गर्नुपर्ने राष्ट्रपति डोनाल्ड ट्रम्प प्रशासनकी प्रेस सचिव क्यारोलिन लाभेटले बताउनुभयो ।
नियम पालना नगरे जरीवाना, जेल वा दुवै सजाय हुने उहाँको भनाइ छ । अमेरिकी गृह सुरक्षा विभागले पनि प्रेस विज्ञप्ति निकालेर विदेशी नागरिकहरूलाई यस ऐनअन्तर्गत दर्ता गर्न भनेको छ ।