सुदूरपश्चिम प्रदेशका आन्तरिक मामिला तथा कानुनमन्त्री पृथ्वीबहादुर सिंह सवार जीप दुर्घटना भएको छ। मंगलबार डडेल्धुराबाट बझाङ सदरमुकाम चैनपुर आउँदै गर्दा केदारस्यूँ गाउँपालिकाको बागथलामा मन्त्री सवार ००१ झ ४८० नम्बरको जीप दुर्घटनामा परेको हो।
दुर्घटनामा परि मन्त्री सिंहसहित ५ जना घाइते भएका छन्।घाइते हुनेमा चालक धर्मराज जोशी, मन्त्री सिंह, उनकी पत्नी अमृता सिंह, जयदेवी सिंह र मन्त्रीका पिएसओ प्रहरी सहायक हवल्दार दिपक भण्डारी रहेका छन्।
खुट्टा र अनुहारमा चोट लागेका मन्त्री सिंहको केदारस्युँ गाउँपालिका–१ देउरास्थित ॠतु पोलिक्लिनिकमा उपचार भइरहेको छ भने बाँकीको रायल प्राथमिक स्वास्थ केन्द्र देउरामा उपचार भइरहेको छ।
सबैको अवस्था गम्भीर रहेको बताइएको छ। उनीहरुको थप उपचारका लागि हेलिकप्टरमार्फत काठमाडौं लैजाने तयारी भएको छ ।