बैतडी –बैतडीको मेलौलीमा जिप दुर्घटना भएको छ ।मेलौली नगरपालिका–७ काँडा क्याम्पस चोक नजिकै सडक छेउमा रोकिराखेको सुपप्र ०१००१ च २६६९ नम्बरको बोलेर जिप खसेर दुर्घटना भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।
बिहीबार साँझ पौने ६ बजेतिर पार्किङ गरेर राखेको जिप एक्कासी आँफै ५० मिटर तल खसेको प्रहरी निरीक्षक पाण्डेयले बताए । जिपमा कोही पनि सवार नरहेको बताइएको छ । जिपमा क्षति पुगेको उनले बताए ।
दुर्घटनाको कारण खुल्न बाँकी रहेको र घटनाको थप अनुसन्धान भइरहेको प्रहरीले जनाएको छ ।