रेडियो मेलौली
अषाढ ०६ आईतबार,२०७८
निको गद्द्याइ निको नाइथी गट्टान्की हाइहाइछ।
माँन्स साथ उसैका छन सम्माँन उसैलाइछ।।
सोजा साझाँन हेपिरख्या बाँठा छट्टानकी
थोक्कौई कुरा सुणाँई हाल्लौ निका गट्टानकी
जै बेलालै गरि राख्दा काँम काज गडबडी
खुट्टा कट्टाइ सज्जनुँनका लागिरनान खटी।।
कुरा अद्दाई चार माँन्सै ठौर आउँनान उनै बटि।
भाइर मुखा कुरा चिफ्ला पेटका कपटी।।
कोइ माँल मदेस बसि कोइ बसि धनगडी।
ठगी ठागी सोजा साझाँन गरि रख्दा मनपडी।।
कौइ गुन्डा पाहाड्का गरखाँन कोइ छन माँल।
इसान कि काँ लुग्दो हो धन्य बैरी काल।।
गरि खन्या धेकी बर रिसले मरिरन्या।
नत ढप ढङ्ले बोल्या रिसै डा गरिरन्या।।
जो छन समाँज सेबि काम रे काजका।
कोइ पापी रिस गद्दा तन्की हम्रा समाँजका।।
निको गर समाँजमा जो माँन्स भणँन्छ।
कोइ माँन्स तै माँन्सकी भौती दाँइ खणँन्छ।।
दुःखि गरिब माँन्सै सेवा जो गद्द खोजँन्छ।
उइ माँन्स समाँजमा छिछि गट्टो हँन्छ।।
जो माँन्स कैसैकी पन निकोइ सुचँन्छ।
हमरा समाँज्माँत उइ गट्टो हँन्छ।।
कसै कसै मान्सुँन धेकी सारी हौइगै दिक्क।
जो कसैकी निको नसोच्चो उइ बाँच्चो झिक्क।।
जसा नहु्ँना काँम गर्यालै कुरा अरि ठिक्क।
चार माँन्स बसिकी ठौँर हुँन खोज्जो चिटिक्क।।
पारस भट्ट प्यासि
मेलौली नगरपालीका–०२ सुन्दर भुमी सेलि बैतडि