बाँकेमा बस दुर्घटना:३ जनाको ज्यान गयो

काठमाण्डौ – बाँकेको कोहलपुर–नेपालगञ्ज सडक खण्डको गनापुरमा यात्रुवाहक बस अनियन्त्रित भई पल्टिँदा ज्यान गुमाउनेको सङ्ख्या तीन पुगेको छ ।

बाँकेका प्रहरी प्रवक्ता डीएसपी नारायण डाँगीका अनुसार ज्यान गुमाउनेमा दाङको तुलसीपुरका सन्तोष भुसाल र मानबहादुर ओली तथा घोराहीका विमल राई रहेका छन् ।

दुर्घटनामा २६ जना घाइते भएका छन् । घाइतेहरूको नेपालगञ्जको भेरी अस्पताल र नेपालगञ्ज मेडिकल कलेजमा उपचार भइरहेको छ ।

दाङबाट नेपालगञ्जका लागि छुटेको भे १ ख २१२८ नम्बरको बस मोटरसाइकललाई जोगाउन खोज्दा अनियन्त्रित भई पल्टिएको जिल्ला प्रहरी कार्यालय बाँकेले जनाएको छ ।

Leave A Reply

Your email address will not be published.