बैतडी–बैतडीको शिवनाथ गाउँपालिका–५ मा जन्मिएका गायक हिरा चन्दको नयाँ देउडा गीत ‘ढल्की जान्छ जोवन’ सार्वजनिक भएको छ। लामो अन्तरालपछि उनी नयाँ सांगीतिक कोशेली लिएर दर्शक–श्रोतामाझ फर्किएका हुन्।
गीतमा हिरा चन्द र कल्पना दुवाडीको स्वर रहेको छ भने शब्द तथा संगीत हिरा चन्दकै रहेको छ। नारायण दंगालले संगीत संयोजन, गोपाल दयालले रेकर्डिङ तथा मनोज परियारले मिक्सिङ तथा मास्टरिङ गरेका छन्।
गीतको भिडियोमा प्रकाश सोनी, अनिता खड्का र हिरा चन्दको अभिनय रहेको छ। भिडियोको निर्देशन मिलन श्रेष्ठले गरेका छन् भने छायांकन डेनिश खनालको रहेको छ। सम्पादन तथा रङ संयोजन रोशन धितालले गरेका हुन्।
मौलिक देउडा संस्कृति, प्रेम र सुदूरपश्चिमको ग्रामीण जीवनशैलीलाई समेटिएको यो गीत सार्वजनिक भएसँगै दर्शक–श्रोताबाट सकारात्मक प्रतिक्रिया प्राप्त भइरहेको गायक हिरा चन्दले बताएका छन ।
गित सुन्न यहाँ CLICK गर्नुहोस्