दिपक राज दिर्घायु
असोज ०४ मंगलबार,२०७९
बैतडी–जिल्लाको तल्लो स्वराडमा स्क्रब टाइफसका बिरामीको सख्या दिन प्रतिदिन बढ्दै गएको छ। तल्लो स्वाराड क्षेत्रका तिन पालिका मेलौली नगरपालीका, शिबनाथ गाउपालीका र पञ्चेश्वर गाउपालीकामा स्क्रब टाइफसका बिरामीको सख्या बढ्दै गएको हो ।
गएको श्रावण २६ गते यता यो समाचार तयार पार्दासम्म मेलौलीको केशरपुर प्राथमिक स्वास्थ्य केन्द्रमा १० जनामा स्क्रब टाइफसको सक्रमण देखिएको केशरपुर प्र्राथमिक केन्द्रका ल्याब टेक्निसियन दिपक सिह बिष्टले बताए ।
केशरपुर प्राथमिक स्वास्थ्य केन्द्रमा उपचारका लागि आएका बिरामीहरुमा भाईरल ज्वरो र स्क्रब टाइफसको संक्रमण देखिने गरेको स्वास्थ्य केन्द्रका जनस्वास्थ्य निरीक्षक मुकेश कान्त दयालले बताए ।
उपचारका लागि अस्पताल आउनेमा मात्र नभई गाउघरमा परीक्षण नगराएका व्यक्तिहरुमा समेत स्क्रब टाइफसको संक्रमण हुन सक्ने उनले बताए ।
माइट नामक किर्ना र भुसुनाको टोकाइबाट स्क्रब टाइफस हुने भएकाले सावधानी अपनाउन उनले आग्रह गरेका छन् ।