धन्य हुन हमरा पुर्खा, धन्य यो संस्कृती ।
यो संस्कृती न जोगाया, बड्डेइ हो बिकृती ।।
आमा बुवा गुरुजन, धर्तीका भगवान ।
ईष्ट मित्र मान्यजनको, गद्यु हो सम्मान ।।
दया माया परोपकार, यिन हमरा धर्म ।
संस्कृतीलाई बचाई राखउ, यई हो ठुलो कर्म ।।
रिती थिती परम्परा, सबैको आधार ।
संस्कृती रे पुर्खाजनको, गरउ जयजय कार ।।
बोली भाषा सुदूरको, यई हमरी शान ।
संस्कृती जोगाउन्या सपको, गरी हाल्या मान ।।
कभै गोरा दुत्या दशै, औंशी रे सँक्रान्ती ।
दानधर्म जपतप गर्या, मनमा होली शान्ती ।।
कसि हमरी परम्परा, पुर्खा थ्या विद्वान ।
रितिथिति जोगाई राइथ्यो, थ्या कति महान ।।
राख्दुछ समाली हमले, पुर्खानकी सम्पत्ति ।
निति नियम मासि हाल्या, पड्या हो विपत्ति ।।
रङ्गिला हिमाली वन, मैना मुनाल डाफ्या ।
कम्ती काँछ यो संस्कृती, स्वर्ग सित नाप्या ।।
शिक्षक कृष्ण दत्त भट्ट
केदार शिशु सुधारक मावि अजयमेरु ५ खोली मटेला, डडेल्धुरा
स्थायी ठेगाना : मेलौली नगरपालिका ६ हतरंगा, वैतडी