बैतडी: लागू औषधसहित बैतडीका दुई जना कञ्चनपुरबाट पक्राउ परेका छन्।
बैतडीको सुर्नया गाउँपालिका–१ घर भइ हाल कञ्चनपुरको भीमदत्त नगरपालिका–४ मा बादशाह क्याफे सञ्चालन गरिरहेकी २७ बर्षीया लक्ष्मी चन्द र सोही ठाउँ बस्ने २६ बर्षीया लक्ष्मी सोनाहलाई शुक्रबार दिउँसो पक्राउ गरिएको जिल्ला प्रहरी कार्यालय कञ्चनपुरले जनाएको छ।
उनीहरुलाई २ ग्राम ५१० मिलिग्राम खैरो हेरोइन र २ ग्राम ५१० मिलिग्राम चरेशसहित पक्राउ गरिएको प्रहरीले जनाएको छ। लागू औषधको कारोबार भइरहेको छ भन्ने गोप्य सूचनाको आधारमा जिल्ला प्रहरी कार्यालय कञ्चनपुरबाट खटिएको प्रहरी टोलीले उनीहरुलाई नियन्त्रणमा लिएको हो।
पक्राउ परेका दुवै जनामाथि अनुसन्धान भइरहेको प्रहरीले जनाएको छ।