बैतडी -बैतडीको पुर्चौडी नगरपालिकाले तीन महिनापछि हाकिम पाएको छ । तीन महिना देखि हाकिम विहिन रहेको पुर्चौैडीले बुधबारबाट हाकिम पाएको हो। पुर्चौडी नगरपालिकामा अहिले भानुभक्त भट्ट प्रमुख प्रशाकसीय अधिकृतको रुपमा हाजिर भएका छन् ।
भट्टलाई संघीय मामीला तथा सामान्य प्रशासन मन्त्रालयले बैशाख ८ गते पुर्चौडी सरुवा गरेको थियो । यसअघि रक्षा मन्त्रालयमा कार्यरत भट्ट आज कार्यालयमा हाजिर भएका नगरपालिकाका नगर प्रमुख दिपक बहादुर बमले जानकारी दिए । लामो समय देखि प्रमुख प्रशासकीय अधिकृत नहुँदा समस्या भएकोमा अब कामकाज गर्न सजिलो भएको उनले बताए ।
प्रमुख प्रशासकीय अधिकृत हाजिर भएसंगै रोकिएका आर्थिक कारोबार लगायतका अन्य कामकारबाही सुरु भएका नगरप्रमुख बमले बताए । प्रमुख प्रशासकीय अधिकृत नहुँदा सामाजिक सुरक्षाभत्ता, कर्मचारीको तलब लगायतका सबै भुक्तानीहरु रोकिएकोमा अब सहज हुने नगरपालिकाले जनाएको छ ।