‘देहिजाँत’ सम्पन्न पश्चात मेलौली भगवती मन्दिर परिसरमा सरसफाई

दिपक राज दिर्घायु
कार्तिक २४ बिहीबार,२०७९

बैतडी–प्रशिद्ध मेलौली भगवति मन्दिरमा लागेको मेला ‘देहिजाँत’ सम्पन्न भए पश्चात मन्दिर परिसर(थलो)मा सरसफाई गरिएको छ । सोमबार र मगंलबार लागेको मेलाको समयमा मन्दिर परिसरमा भएको फोहर सफाई गरिएको हो ।

बिहीबार नेपाल प्रहरी, नेपाली सेना, म्यादी प्रहरी, मेलौली नगरपालीका–०१ का जनप्रतिनिधि र मेलौली धार्मिक सेवा समितिका पदाधिकारीहरुले मन्दिर परिसरमा सरसफाई गरेको ईलाका प्रहरी कार्यालय मेलौलीका ईन्चार्ज जनक सिह धामिले बताए ।

मंसिर ४ गते हुने प्रतिनिधि र प्रदेश सभा निर्वाचनको सुरक्षाका लागि आएका म्यादी प्रहरी, नेपाली सेना र चौकीमा कार्यरत प्रहरीको टोलीले मन्दिर परिसरमा सरसफाइ गरेको उनले बताए ।

बिशेष गरेर सुरक्षाक्रमिको पहलमा मन्दिर परिसरमा सरसफाई गरिएको प्रति मेलौली धामिले सेवा समितिका अध्यक्ष जगदिश सिह नायकलले धन्यबाद ब्यक्त गरेका छन ।

मेलौली नगरपालीका–०१ मा रहेको प्रशिद्ध मेलौली भगवति मन्दिरमा कार्तिक शुक्ल चतुर्दशी र पूर्णिमाका दिन ठुलो मेला लाग्ने गर्दछ । बलि सहितको भव्य रुपमा लाग्ने जात्रामा सुदूरपश्चिमका विभिन्न स्थानका साथै भारतबाट समेत दर्शनार्थी आउने गर्दछन ।