पुस १०, २०७९
बैतडी जिल्ला अदालत बैतडीले पञ्चेश्वर गाउँपालिका–४ फ्याउलीकी माया लुहार हत्याका अभियुक्त भरतराम कोलीलाई पुर्पक्षका लागि कारागार चलान गर्न आदेश दिएको छ ।पौष ६ गते अभियुक्त कोलीलाई पुर्पक्षका लागि कारागार चलान गरिएको हो । प्रहरीले प्रहरीले आफ्नो अनुसन्धान सकेर पौष ५ गते सरकारी वकिल कार्यालयमा मुद्दा बुझाएको र कोलीलाई पौष ६ गते नै पुर्पक्षका लागि कारागार चलान गरिएको जिल्ला प्रहरी कार्यालयका प्रमुख प्रहरी नायब उपरीक्षक प्रेमबहादुर शाहीले बताए ।
२१ बर्षीया लुहारको सशस्त्र प्रहरीका जवान समेत रहेका कोलीले मंसिर १३ गते चक्कुले घाँटी रेटेर हत्या गरेका थिए । शिवनाथ ४ सोलपाला घर भएका कोलीले मृतक लुहारकी भदै १५ बर्षीया नेहा लुहारलाई घाइते बनाएका थिए ।
घटना लगत्तै फरार रहेका कोलीलाई मंसिर १८गते महेन्द्रनगरबाट पक्राउ गरिएको थियो । उनले माया लुहारको हत्या गरेको स्वीकार गरेका थिए । उनीमाथि कर्तव्य ज्यान र ज्यान मार्ने उद्योगमा मुद्दा दर्ता गरेर प्रहरीले अनुसन्धान गरेको थियो ।